Welcome

مرحبا بكل الزوار

أهلا وسهلا بكم في مدونتي

لاستضافة موقعك

2011/05/16

الكتاكيت والديك


كان يا ما كان في قديم الزمان ديك

وكان الديك ده بيحكم شوية كتاكيت

والديك ده كان وحش أوي ومطلع عينين الكتاكيت ولو كتكوت فكر انه يعترض أو يتكلم كان بيديه لعمو بتاع الفراخ يدبحه أو يبيعه لعيل صغير يقعد يلعب بيه

وفضلت الكتاكيت خايفة من الرعب اللي عامله الديك

ومش قادرين يتكلموا من الظلم والاضطهاد اللي عليهم

وكانوا مقتنعين إنه استحالة يقدروا على الديك ده

لحد ما جه يوم وقامت الكتاكيت كلها وانتفضت وقالت مش هينفع نسكت أكتر من كده لازم نثور

وقاموا كلهم هجموا على الديك الوحش ومبقاش عارف يعمل ايه من العدد الرهيب اللي جاي يهجم عليه فطلع يجري منهم

وبعد كده الكتاكيت مسكت الديك وراحت بيه لعمو بتاع الفراخ اللي بيدبح

ودلوقتي الديك محبوس في القفص لحد ما يدبح

ومن يومها الكتاكيت عرفت إنها مش هتسكت تاني أبدا

وانها هتقول الحق حتى لو هتروح لعمو بتاع الفراخ ومش هترضى بالظلم أبدا

ليست هناك تعليقات:

إرسال تعليق